Saturday, December 8, 2018

Kisi Ke Bina Kisi Ka Kam Nahi Rukta || Inspirational Success Story In Hindi

Dosto, kuch logo ko ye abhiman ho jata hai ki, agar wo is kam me  invole nahi honge,to ye kam nahi hoga.yani ke unke bina kam nahi kiya ja sakta.lekin is bat me jara bhi sacchai nahi hai.is bat ko acche se samazane ke liye mai apko ek Inspirational story sunata hu.kisi ke bina kisi ka kam nahi rukta ( Inspirational Success Story In Hindi )




Ek bar ki bat hai ek parivar ke mukhiya ko yah abhiman ho gaya tha ki uske bina parivar ka gujara nahi ho sakta kyoki ghar me wo akela hi insan kamata tha.ek din gao me ek mahatma aaye.wo aadmi bhi mahatma ki bate sunane ke liye chala gaya.

wah mahatma sabhi ko bata rahe the.is duniya me kisi ke bina kisi ka kam nahi rukta.lekin fir bhi kuch log abhiman karte hai ki unke bina unka parivar aur samaj ruk jayega.bhagvan sabhi ko unke bhagy ke anusar deta hai.

mahatma ki bat khatm hone ke bad sabhi log waha se chale gaye. 

wah aadmi mahatma ke pas jakar bola - mai apne ghar me akela kamane wala hu.mai jo kamakar lata hu.usi se mere parivar ka gujara hota hai.agr mai nahi rahunga to mera ghar kaise chalega.

mahatma ne kaha - tum galat sochte ho.is duniya me maujud har insan ko uske bhagy ke anusar hi milta hai.

yah sunkar wah aadmi bola - mai is bat ko nahi manta.

us mahatma ne kaha - tum aisa karo bina kisi ko bataye. kuch dino ke liye gayab ho jao, aur fir tum apne aap hi dekh lena ki tumare bina koi kam rukta hai ya nahi.

us aadmi ne aise hi kiya aur wah kuch dino ke liye shahar me chala gaya. uske jane ke bad us mahatma ne gao me bat faila di ki us aadmi ko sher ne apna shikar bana liya.jab pure gao me ye bat fail gai to us parivar ki madat ke liye gao ke log aage aaye.

us aadmi ka ek beta tha.jise ek seth ne apni yaha nokari par rakha liya. uski ek beti bhi thi.sabhi gao walo ne milkar uski shadi bhi karwa di.aur kuch dino bad sab waisa hi ho gaya.jaisa ki pahle tha. ek rat ko chupke se wah aadmi apne ghar pahucha. usne dekha ki sabhi log bahut hi khush the. aur sukhi jivan ji rahe the. us vyakti ne apne parivar se mafi mangi, aur kaha ki mai galat tha. aaj mera ghamand chur chur ho gaya.

Dosto is  Inspirational Story se mai ye samzana chahta hu ki, agar apko is bat ka ghamand hai ki aapke bina koi kam nahi honga.to aap galat hai.agar ek rasta band hota hai to hajar raaste khulte hai.apne is ghamand ke sath jina chod do. kyoki kisi ke bina kisi ka kam nahi rukta. ( Inspirational Success Story In Hindi )






EmoticonEmoticon